newspapers1Andrea García

Radio, televisión… A prensa escrita sobreviviu a todos os avances tecnolóxicos que se lle foron presentando polo camiño, e Internet non vai ser menos. Sempre estará presente o eterno debate sobre a supervivencia dos medios en papel, pero a realidade é que siguen aí, facendo fronte a novos formatos e novos medios.

Os últimos informes do EGM non auguran un futuro prometedor para os xornais en papel; cada vez, Internet está máis preto de achegarse a eles en número de usuarios. Porén, a televisión e a radio posúen o cuádruple e o triple de seguidores e ninguén cuestionou ata o momento a desaparición da prensa.

A Rede é un rival forte. É unha loita de David contra Goliat. Un novo medio co que competir. Pero a convivencia pacífica é posible. Nin os xornais electrónicos nin as bitácoras/blogs poderán igualar nunca a agradable sensación de ter a información nas nosas mans, para manexar ao noso antollo; de non depender nin de corrente, nin de baterías, nin de erros de conexión. Só por iso, a prensa ten o futuro case asegurado.